[Title]
Longoi 42
Ot Ongoulun Kristian Hondomo i Yesus

[Verse 1]
Ot ongulun Kristian
hondomo i Yesus
om i kinapagasan
mananggung di tokou.
Minanapul iosido
di tokou riniba
diminatai iosido.
O Yesus Minananggung dahai.

[Verse 2]
Minamanau e Yesus
ino sodop diri
sid kabun Getsemani,
gima minta dua.
Topot a-po nopongo,
rumikot i Yudas
tu manabpo di Tuhan.
O Yesus natabpaan-ko-no

[Verse 3]
 Tinarik-no i Yesus
sid valai dit imam.
Hukumon do riniba
i Raja do syurga.
Minsanko iso sala
mau kemot ioiti.
Topot, patazon-no, ka.
O Yesus, nohukuman-ko-no.

[Verse 4]
Iso-po koruhang Dau
sumuhut sid sodu.
Agazo i ginavo
di Petrus sid Tuhan.
Topot minongolim-no,
rumosi dot ulun.
Aso-no koruhang-Nu.
O Yesus, iseso-ko-po.

[Verse 5]
It ulun momorinta
Pontius Pilatus
sumuhut di kenginan
dit ulun t'araat.
Nipalapos i Yesus,
niposigal rugi,
nagauk dit ongo-sojal.
O Yesus, nopogos-ko-no.

[Verse 6]
Inovit-no ni Yesus
sid burul Golgota.
Saanon Dau kondiri
i kazu do sangkap.
Siri pinasangkapan
dioti i Tuhan
mad ulun do kisala.
O Yesus, linanut-Nu-no.

[Verse 7]
Sid sansara i Yesus
mongodim dit Ama.
Nokuro, tu iduanan
oku-no Dikau? ka.
Topot i sansara Dau
antad sid di ditokou.
Osian-ko o Tuhan,
tu gima osianan-ko dahai.

[Verse 8]
Minatai-po i Yesus,
gumuzu i tana.
Hinumongkob-no banal
kavi i vinagun.
Iso-no ot abanal
sampai aso sala,
nga iosido minatai.
O Yesus, sianai-okoi-no.

[Verse 9]
Mindamo-okoi Dikau,
o Tuhan-za Yesus.
Potulungo sid dahai 
i sundu t'susi,
supaya osuhut-za
i ralan sid Dikau,
amu-no aranggal-za
i kenginan do Kinoringan.
